2012年12月20日 星期四

[壹週刊]阿徐唔合作 反黑重案釘實曾志偉

曾志偉本諗住做中間人調停,點知因為「出手」,惹禍上身。


探熱針

阿徐唔合作 反黑重案釘實曾志偉

2012年12月20日

「開飯派對」爆發至今接近一個月,十二月十六日,徐濠縈一方律師發聲明,指黃浩已於限期前(四十八小時)承諾不再重複指控,大家以為事件會暫告一段落,但原來警方正在部署對該案件作出正式行動。

據可靠消息透露,著手參與調查的涉及四個警隊部門,展開搜集證據行動,有關藝人曾志偉懷疑涉及一宗襲擊案及妨礙司法公正。

四部門插手

上星期四(十二月十三日),黃浩在中區警署逗留了超過兩小時,事後有消息指他是為了被曾志偉襲擊一案銷案,但據了解,黃浩此行是就十二月五日遇襲一事,正式錄了一份詳細口供。

連日來,傳媒廣泛報導事件,警方亦進行相應調查,由於事件牽連人物甚廣,警方亦有四個部門插手,分別有中區重案第一隊、刑事情報科、灣仔反黑第二隊及港島反黑第一隊聯合調查。經過接近兩星期,從多方面搜證,據知警方初步開始鎖定曾志偉為目標。警察公共關係科亦證實,該案件已交由中區重案第一隊接手調查,但暫時未有人被捕。

其實自從事發當晚(十二月六日淩晨),曾志偉到過中區海旁警署,並以酒後不清醒為由,要求擇日再落口供後,至目前為止,他仍未再到警署進一步協助調查。

「警方嘅考慮,係因為事發當晚曾志偉係第一身同黃浩有接觸嘅人,而且警方又搵到當晚目擊事件經過證人,手頭上證據比較充足,不過始終曾志偉係公眾人物,警方有任何行動,都會成為焦點,所以佢哋唔會貿貿然行動!」知情者說。

放大圖片

星期日(十六日),徐濠縈透過律師發聲明,表明黃浩答應收口,但在兩種情況下,他可以將事件公開,暗示有證據在手。

放大圖片

15/12

徐濠縈與女兒康堤出席好友甘比的商場活動,其間唔肯影相及做訪問。

放大圖片

一場廿三人「開飯派對」搞到滿城風雨。

放大圖片

17/12

連日來黃浩都留在比華利山寓所中,間中行出露台講電話,神色凝重。

放大圖片

12/12

有份「開飯」的其中十二位成員開記者會,向黃浩進行大反擊。

放大圖片

05/12

因為在飯宴上發生「掌摑事件」,令到「飯局」事件加倍擴大,受牽連的人愈來愈多。

四大罪名

根據伍家賢律師就之前有關報導所描述而理解,曾志偉涉嫌在萬豪酒店內掌摑黃浩事件,一旦成案,被告人隨時被警方控告四項罪名。

「其實只要係傷害他人身體,無論重手定輕手,都可被控告襲擊罪,但警方會視乎現場證據(現場錄影)同證人口供,再決定是否作出起訴,至於人生自由受到限制,阻止對方報警都屬於非法禁錮。而其中有人向黃浩表示作出要求,如果他不照做,『就打×你!』呢樣嘢就有機會構成刑事恐嚇。另外如果真係有人要求黃浩唔好將掌握到他人嘅犯罪證據交俾警方,無論直接定間接阻止,都已經係妨礙司法公正。」伍家賢說。

承諾收口

曾志偉就被警方釘實,至於徐濠縈,雖然代表律師已發出聲明,指黃浩答應收聲(當中兩項不影響他以下權利前提下:( a)在關於該等指控或由該等指控引起之法庭程序中作出辯護及提供證據;( b)就任何刑事調查向警方提供協助;向何超儀女士及徐濠縈女士作出以下承諾:『不再重複本律師行函件所指由黃浩先生所作之指控或類似的指控。)但她仍然未可以甩身。

據知,徐濠縈原須於上星期五(十二月十四日),警方所定最後限期到警署協助調查,但她卻以不同理由,遲遲未有應約,當中包括身體不適(醫生紙證明),或透過律師向警方要求行特別通道進入警署,但均被有關方面拒絕。

至於黃浩,連日來甚少離開大埔比華利山住所,而警方則不時派人到上址,加強巡邏。

「呢個禮拜多咗好多警察喺度(比華利山)出入,有見過軍裝、藍帽子。」黃浩說。

據屋苑一管理員說,上星期六(十五日)有近廿個軍裝、便衣警員出入屋苑,警方還與一些同住比華利山的圈中人,包括陳芷菁、謝安琪、張繼聰兩公婆等接觸過。

放大圖片

黃浩同老婆徐淑敏被近期新聞困擾,兩人愁爆。

放大圖片

本週一(十七日)晚上,有軍裝警員及警車去到黃浩寓所,逗留了大約半小時。

放大圖片

一向有請保鏢的黃浩,近日出街都有黑人保鏢貼身保護。

放大圖片

上星期四,黃浩坐車到警署,逗留超過兩小時,為掌摑事件,錄了一份詳細口供。

放大圖片

謝安琪夫婦同陳芷菁都住在大埔比華利山,他們同樣被警方「打招呼」。

強詞奪理

曾志偉醉酒惹禍,就算上埋差館一樣唔收口,一番食屎狗論,惹來全城嘩然!老死阿叻(陳百祥)同校長(譚詠麟)等圈中好友更加公開聲援,自動波配合,鋤弱扶強!

曾志偉本諗住做中間人調停,點知因為「出手」,惹禍上身。

曾志偉

「屋企後面有戶人養咗隻狗,晚晚吠,成個屋苑都投訴,但鄰居話隻狗好犀利,見到有賊有鬼先吠,我話我呢度治安好好㗎!唔會有賊㗎!佢話一定有,否則係內鬼,我就好奇怪,前晚喺屋企開曬燈,又冇賊又冇鬼嘅!佢就拉番隻狗走,話其實隻狗睇唔到喎!咩都睇唔到㗎!隻狗仲生癩痢添!咁鬼核突!我問點解仲養呀?原來隻狗唔使食狗糧、食飯,淨係食屎咋!大家都原諒佢啦!」

譚校長

「有 ABCD套餐, A係志偉角色唔係咁,應該係俾人打,唔係佢打人,唔通逆轉潮流; B係佢皈依我佛,法號叫『覺悟』,如果出手打人,即係佛都有火; C係好似學友首歌《輕撫你的臉》,叫細路唔好搞咁多; D係兩個人都有好多事要處理,俾多啲空間大家。」

阿叻

「志偉馴如羔羊,係咪大家飲醉搞錯!佢通常是被摑嗰個,我就負責報警。打金剛十幾巴,劉松仁摑王浩信十三巴又無報警?我覺得多數係摑志偉!志偉鵪鶉咁樣,又唔敢講,我覺得大家都醉咗,多數係佢(指黃浩)打人,會唔會呢?」

「摑王浩信都 13萬啦!我同志偉一人 10萬,叫佢入嚟,俾我哋整兩巴就搞掂。」記者追問是王浩信定黃浩入來,阿叻說:「我以為講王浩信呀!我不知他叫咩名,唔認識佢!」

吳君如

「我認識的志偉醉咗會瞓覺,無脾氣,我實撐志偉……志偉咁出名,一定俾人抽水,今次絕對係抽水啦!我唔知有無打人,但件事發生所牽涉都係出名嘅人,好似志偉同陳奕迅老婆,明顯係抽水,我仲答嘅話,咪都會被抽水!」

曾志偉本諗住做中間人調停,點知因為「出手」,惹禍上身。

老婆受靶

兜巴星事件愈搞愈大鑊,老公受辱,一直保持沉默、在背後支持黃浩的徐淑敏,亦被牽連其中,成為受害者。

早前兩夫妻借出大埔豪宅,接受蘇民峰主持的《順峰順水》家居訪問,節目原定週日(十二月二十三日)出街,但忽然被抽起;上週五(十四日)臨時臨急改由蘇師傅的飲食徒弟,一起主持過《食得峰騷》的溫家偉家居代替。至於原本有份做主持的南京旅遊特輯,亦改由 Suki好姊妹沈卓盈代替。臨近聖誕,屬於商場活動常客的 Suki卻零,可見這股打壓力量,落手唔輕。



Related Posts Plugin for WordPress, Blogger...