2013年2月3日 星期日

有話兒:郭羨妮幸福樣中尋 娛樂八卦 郭羨妮




有話兒:郭羨妮幸福樣中尋

郭羨妮,多了一陣奶騷味,估不到,比以前更索。

從前的她,有一份冷艷,中英混血兒,顴高鼻直唇薄,五官標致,99年選香港小姐艷壓群芳,冠軍港姐扶搖直上一線,可惜情路崎嶇,不堪回首。

熟女告急,2011年停船泊岸,忽然宣佈下嫁內地動作導演朱少傑,姊弟戀修成正果,翌年5月誕下愛情結晶品Kylie,幸福滿瀉。今日的郭羨妮,添了一分福氣,多了一分亮麗,「索」羨妮,美艷更勝從前。

撰文:楊潔雯



■郭羨妮結婚生女後絲毫沒有走樣,有家庭滋潤的她反而越益容光煥發。

眼前的郭羨妮(Sonija)被幸福濃濃的罩住,一段實而不華的愛情,一個安逸穩健的家庭,令郭羨妮身心康泰,比以前更靚,更省鏡!靚媽Sonija的笑容就像一朵盛放的太陽花,非常燦爛,對一切讚美的說話,照單全收,她日前接受訪問時說:「係喎!我開番工,有啲同事見到我都同我講『嘩!你仲好似靚過以前。』哈哈!我都覺得係,以前個人乾,做嘢做到好鬼dry,開工拍戲好顛倒,??家潤啲,笑容多咗,溫和咗,成個生活平衡開心,行出嚟個人都會開心,??家瞓得好,同老公開心,女又幾得意,幾好呀!??家就好似去到一個階段係好想享受人生,係收成期。」說時Sonija嘴角微微上揚。

唔要有錢光頭佬

或者幸福是需要伸手捉住的,現年38歲的Sonija把握黃金時機,將幸福緊緊握住,她笑說:「以前冇諗過我會生仔,去到35歲嗰時我已經放棄咗去搵,亦冇再去搵,不過,正路都係想結婚生仔,但係做呢行好似好難,係好難搵到適合對象,呢啲嘢真係天注定?!我知道好多人覺得我係香港小姐,應該搵個好叻有錢又有名氣嘅人一齊!其實又唔使諗太多,最初我同老公分隔兩地,都覺得未必得,點知女都生埋,嘻嘻嘻!所以我想同未有另一半嘅人講,唔使驚話冇,其實係安排咗,到時候係會出現!」



■Sonija指老公朱少傑雖然不浪漫,但勝在斯文可靠,是她兩母女的好倚靠。微博圖片



■陳錦鴻和郭羨妮主演的無綫劇《初五啟巿錄》乘著農曆新年檔期播映。

劇照

真正的幸福,是可以同甘共苦,彼此尊重,尤其是娛樂圈,各式各樣的流言蜚語多不勝數,Sonija供養窮老公?她一概不理,只說:「以為我要搵個肥嘅光頭核突有錢佬嫁咗去,我知道嗰啲通常唔開心,我個人唔係需要咁物質,最緊要係夾同畀到我安全感。佢畀我平凡嘅生活,聽我話又尊重我意見,??家感覺好實在。」肥嘟嘟光頭有錢佬不是那杯茶,也想不到是一個沉實如木的武夫,Sonija哈哈大笑:「幾好呀!好搞笑?!久不久叫佢耍兩套拳嚟睇嚇,咁佢又耍,真係笑到趴喺度!」腦海瞬間閃過朱少傑的愛之諾「我願意這輩子都給你欺負!」真的兌現。

Sonija接受不完美卻圓滿的生活,感覺實在,對那一塊木頭有讚有彈,評語中肯,她笑說:「佢唔係大家諗嗰種人,佢好斯文?!識功夫嘅人係唔會打交,粗口都唔講,我一句都未聽佢講過,佢真係好有修養!雖然有時都會好竧,點解一啲都唔浪漫,但係人冇完美,唔會有個啱曬你所有條件嘅人出現,自己都有唔好嘅地方,所以唔可以要求人咁多,唔識浪漫已經係一件小事。」



■郭羨妮有女萬事足,樂於過平凡的生活。



■小Kylie眼仔睩睩又伸脷,可愛精靈。

後生愛搶心態變

做了人妻,又升格做靚媽,Sonija生理和心理經歷重大改變,變得積極和正面,人生路更寬,她說:「心態唔同咗,後生嗰時好想表現自己,好想搶呀!出呀!??家冇乜嘢最好唔好叫我,係冇以前咁緊張,好多嘢可以放鬆,所有嘢都冇睇得咁重,反而咁樣變得順咗,以前係諗得好死,得唔到會好唔開心,??家乜嘢都冇乜所謂,每一日都係圍繞住個女,放工,最緊要係趕住返屋企買餸!」

攝影:陳順禎

化妝:Jessica

服裝:Jessica、 Episode

望女成龍做醫生



■郭羨妮坦言年輕時愛表現自己,但心態現已改變。

轉瞬間,郭羨妮的小公主已經八個月大,Sonija不時在微博曬幸福,將可愛又精緻的Kylie公主成長過程跟大家分享,一提到家中的小公主,Sonija笑不攏嘴,她說:「我喺屋企叫個女做家豬,哈哈!即係屋企隻豬,我老公錫到佢燶?!佢一返嚟香港就睇女,佢喺度,係佢湊,我唔理?!」Sonija女王沾沾自喜,不經意再一次稱讚她的「木頭」丈夫說:「佢OK?!我哋湊,佢見到,再教嚇佢,做完一次咪識囉!」相夫教女,果然頭頭是道!

絕非怪獸家長

Kylie繼承了媽媽郭羨妮的優良血統,靚媽卻堅拒讓愛女繼承衣缽,Sonija說:「我梗係唔想佢入呢行,呢條路太難行,係運氣加實力,好難突圍而出,我寧願佢正正常常,做啲正常嘢,我好想佢開心,佢鍾意學乜就學乜,我絕對唔係嗰啲怪獸家長。」

言猶在耳,靚媽的少少虛榮心又忽然作怪,Sonija自顧自說:「但係我好想佢做醫生,我覺得佢好大膽,好男仔頭,我會引導佢去做醫生,哈哈!呢個好似係一個條件,做醫生係一個非常好嘅職業,我成日都話好想佢做醫生,我都有去睇幾多歲可以玩medical嗰啲嘢,不過冇咁快,哈哈!要成七、八歲先識。」望女成龍,人皆有之,怪獸一下又何妨!