2013年2月9日 星期六

姚子羚野蠻女友 娛樂八卦 姚子羚

姚子羚野蠻女友


姚子羚野蠻女友

無綫藝人姚子羚(Elaine)入行已十年,予人印象柔弱的她實則十分爽朗健談,說話坦率而不做作,又不介意別人笑她貌似AV女優立花里子而被封為「立花子羚」。坦言想早日成家立室的Elaine,揚言拍拖只要兩年就夠,確實爽快。

不少藝人曾被網民指似日本某某AV女優而被起花名,如歌手鄧麗欣(Stephy)因貌似女優吉澤明步而被稱為「鄧明步」。姚子羚則被指似女優立花里子而有「立花子羚」之稱,她笑言不介意被人這樣稱呼:「咁樣證明我有Fantasy(幻想)嘛!(大笑)!其實我同佢都係做演藝呢行,只係拍嘅戲唔同,『技術要求』亦唔同!(覺唔覺自己個樣似佢?)或者啲人覺得我同佢係感覺似吧,有次喺後台撞到個廚師,佢一見到我就大叫:『嘩,立花啊!』竟然唔係叫我子羚!」她坦言「立花子羚」形象已經進佔其他人的心裏,成為了Icon,她豁達地說:「其實冇乜嘢,都係一個認識我嘅渠道啫!」

拒談是非

提及早前李珊珊在微博上暗指她嘲諷鄧健泓的鋸「扒」之說「涼薄」,Elaine說:「唔提喇!唔想件事更複雜,總之我同Katy(龔嘉欣)知咩事,佢過緊新生活就得啦!」

談到感情生活,Elaine自言目前有追求者:「佢係圈外人,其實我唔Prefer(偏向)同圈中人拍拖,我唔慣喺同一個工作環境中朝見晚見,尤其如果要拍同一套劇會好尷尬!」不過她也指圈中人做男友的好處是容易明白自己的工作,但畢竟藝人的工作時間不定,都是圈外人較好,她說:「夾一個都好過夾兩個吖嘛!」

30出頭的Elaine也坦言有一顆恨嫁的心:「我想快啲結婚生仔。(要咩條件?)其實我淨係想搵個老公可以一齊長久咁生活。(經濟條件?)咁要有,始終要Support個Family嘛!」她自言找老公不會憑感覺:「有時候感覺會影響咗自己揀邊個人,好多人都話老公未必係自己最鍾意,其實悶啲都冇所謂,最緊要住得埋。」

她自爆小時候拍拖相當橫蠻:「就算錯嘅係我都會照發脾氣,要佢氹!依家大個咗雖然唔會咁難頂,但我有時比較挑剔同情緒化,嗰陣最好咪理我同唔好出聲,我好快就會冇事!」

想演喜劇

對於七年之癢,Elaine另有一番看法,她認為拍拖最多拍兩年就夠:「最重要都係認識對方性格,睇嚇配唔配到,開頭拍拖嗰段時間梗係開心o架啦!但拍得五至六年,愛情就變成責任,當對方好似親人咁,我唔想同親人結婚啊!」

Elaine將在新劇《單戀雙城》中飾演歌手,並在事業運下滑時翻兜前男友作曲人,利用他的影響力和才華為自己寫歌穀事業,她說:「呢個角色有啲似自己,但我唔會利用人達到自己嘅目的。」談到近期的無綫劇集好像多了很多強姦戲及露Bra等性感場面,她竟自嘲說:「拍咗都冇人睇,相信同佢哋(指高海寧)反應會唔同囉!(會唔會拍?)如果係劇情需要,健康性感可以接受。」她自言最想演的角色是行政人員和「另類」角色:「我想做嚇黐線婆、喜劇,試嚇Over Acting!」

後記:性格爽直從不掩飾

Elaine給人感覺十分硬朗,是個性情中人。自言是個「男仔頭」的她,性格爽直,從不掩飾,所以朋友常諷刺她:「你到底有乜好?吸引人鍾意你啊?」Elaine往往會答:「鍾意我嘅人會好鍾意,覺得我好好玩、好Sweet;唔鍾意我都好,我都唔會刻意討好佢。」果然有性格!



姚子羚被指似AV女優立花里子,因而有「立花子羚」之稱。

姚子羚野蠻女友

Elaine自爆曾經是野蠻女友,就算自己錯了也會照發脾氣。

姚子羚野蠻女友

30出頭的姚子羚,希望可以盡快結婚生仔。

姚子羚(右)和龔嘉欣情同姊妹,更互相扶持。

姚子羚(右)和龔嘉欣情同姊妹,更互相扶持。

老翻AV男女

多年來有不少藝人被網民指貌似某位日本AV女優或男優而被起花名,備受網民「注目」,部分藝人及AV演員更成為網民惡搞的對象。

林志玲‧波多野結衣

台灣名模林志玲被網民發現原來跟女優波多野結衣長得儼如孖公仔,加上兩人都擁有驕人的上圍及誘人的長腿,因相似度達80%而被網民稱為「AV林志玲」,更帶挈波多野結衣在中港台人氣急升。

周傑倫‧東尼大木

受亞洲天王周傑倫帶挈,AV男優東尼大木在中港台網上知名度極高,有「光頭周傑倫」之稱的他是最受網民歡迎的惡搞對象,有網友用他演出的AV影片配上周傑倫的歌曲作背景音樂製成惡搞MV。

吳若希‧羽田愛

歌手吳若希被指似AV女優羽田愛,被網民稱為「羽田若希」,亦是她被網民封為女神的原因之一,曾有網友在微博問她知不知道自己成為女神的原因,吳若希答「知道」,因而在網上掀起熱烈的討論。



Related Posts Plugin for WordPress, Blogger...