2013年2月13日 星期三

高海寧戴廿八両金招財 娛樂八卦 高海寧

video


高海寧戴廿八両金招財

高寧馬場離罩 招桃花運

汪明荃、黎耀祥、高海寧及蘇施黃等昨日亮相沙田新春賀歲馬,高海寧一身紅衫露香肩和美腿,更戴住近50萬、重廿八両的金頸飾,希望帶旺馬迷贏錢,勁過八両金好多!

新春賀歲馬昨日在沙田馬場舉行,高海寧(高Ling)性感行金飾騷幫馬迷招財,高Ling一身紅色長裙露肩又露腿,最誇張是戴住重達廿八両的巨型金頸飾行騷,她即時硬曬軚,不敢擰頭又不敢轉膊,小心翼翼,她說:「好緊張呀!係足金,唔可以用手掂住行騷,所以要小心擰個頭同條頸,唔知值幾多錢,但肯定可以畀首期。」身上戴上估計值50萬的重甸甸金頸飾,高Ling之後移師另一邊影相,馬迷近距離狂影,雖然有保鑣跟住,她也緊張用手㩒住,更笑說:「唔係驚,馬迷熱情拜年啫。」



【今日我至金】高海寧噚日喺沙田馬場戴上廿八両重金飾行騷,仲勁過八両金,但就搞到佢行騷時勁辛苦囉!

高Ling又大爆今年好dry,連家中的桃花都不開:「過咗年都未開,我已經日日加暖水,催穀佢快啲開, 𠵱家情人節都冇人約,真係唔想自己咁dry。」她更扁嘴表示生肖屬虎,今年桃花弱,是非多。

採訪:林嘉慈

攝影:陳志嵐

想睇更多首輪猛片介紹同預告片?《一台戲》為你網羅最新電影介紹及影評↓↓↓↓

http://hk.movies.nextmedia.com/

上一則:歐陽震華急性肺炎入ICU搶救

下一則:夏蕙姨馬場派閃卡