2013年3月8日 星期五

[忽然1周]講見證爆娛圈黑幕 關心妍:啲人想整死我 娛樂八卦 關心妍 忽然1周

佈道會歷時兩小時,單單是關心妍講見證的環節已有 45分鐘,其間她不時眉頭緊皺,情緒非常投入。


娛聞樂

講見證爆娛圈黑幕 關心妍:啲人想整死我

2013年03月08日

關心妍早前於港台頒獎禮慘食白果,事後她於微博暗示要退出樂壇:「再努力最終都失望!只希望今後好好過我楊太的生活。」

其實關心妍 09年嫁人後,原本疊埋心水造人,由於當時唱片公司和歌迷多番遊說她繼續唱,令她改變初衷,但無奈努力與收穫不成正比。

據知對樂壇心灰意冷的關心妍,近日部署轉行做傳道人。周日( 3日),她到上水出席佈道會時,吐出多年來的不快經歷。她眼紅紅說:「啲人想整死我。」

入行 11年,經歷過不少風浪的關心妍,於今年 1月舉行的港台頒獎禮空手而回,令她對樂壇意興闌珊。周日,她到上水北區大會堂出席佈道會時,忍唔住炮轟:「娛樂圈好黑暗,好複雜,有時要出賣自己同出賣人,好容易迷失自己。」

放大圖片

坐滿 200人

關心妍為教會義務出席的見證佈道會,於北區大會堂舉行。雖然規模極小,場地只能容納 200人,但大會依然印有場刊。

放大圖片

講到眼紅

提到自己於娛樂圈種種不公平待遇時,她頓時雙眼通紅,情緒激動。

放大圖片

自+嘲+死+唔+去

她自爆入行前已受某唱片公司高層挖苦,她說:「由細到大冇乜嘢叻,叫做得把聲。於是我好似人哋搵工咁,整咗 30份履歷,寄去好多唱片公司,泰國、菲律賓都有,總之有人肯覆我都制。終於有一間覆咗,係國際公司,旗下有張惠妹嘅。嘩!我好開心咁走去見,點知嗰個人同我講:『你唱就唱得幾好嘅!但你咁矮,又咁嘅樣,又冇 model身材,你都係返屋企啦!』」輾轉之下,她 99年簽約 BMA,足足等了三年才有碟出, 04年更於紅館開個唱。

奈何當時她慘遭同公司的周麗淇打壓,搞到冇得翻身。此時她開始兩眼通紅,哽咽地說:「隻腳未企得穩,啲人就要做瓜我整死我,好似一夜破產!啲人喺街上見到我,好似當我生蝨咁!之後就返咗大陸唱酒吧騷,一邊唱歌,台下一邊十五、二十,好難受。原來撻落嚟真係好痛。」她坦言 05年至 08年是她人生的低潮期,當時她走去做義工,經常提醒自己自強,「好好彩,我係一個死唔去嘅歌手。我今年話唔再參加頒獎禮,因為覺得比賽好冇意義,浪費咗好多光陰。」

放大圖片

溫馨放狗

關心妍和老公楊長智結婚四年,關一直希望可以為楊家繼後香燈,據知二人現時正努力造人。上月 24日,本刊便拍得二人在寓所附近放狗,十分溫馨。

放大圖片

導老公信主

作為虔誠基督徒的關心妍,另一半當然也要是基督徒。關心妍婚前經常帶楊長智返教會,導他信主,現時二人逢周日就會孖住返銅鑼灣教會。

曾+為+情+自+殺

放大圖片

近年頻做義工的關心妍,佈道會上自爆捐錢俾一名兒童做手術。去年她榮獲了香港十大傑青。

關心妍除了道盡歌手背後辛酸外,更自爆年輕時曾誤入歧途,她說:「我 10歲移民咗去加拿大,冇人冇物,唔知生存喺呢個世界上做乜。讀中學嗰陣識到一班壞同學,教我食煙飲酒又逃學。當時我覺得呢班朋友就係人生寄託。」她更曾為初戀情人而自殺,她激動地說:「嗰時我嘅身形係依家 1.5倍,竟然識到一個少少似古天樂嘅男仔,心諗個天乜咁益我呀!我哋一齊考上大學,但有一日佢突然同我講話放眼世界,要飛咗我。嘩!我人生冇曬方向,攞咗一樽安眠藥,好似電視橋段咁成樽啪落去,死咗去算。但嗰一刻我阿哥拍我房門阻止咗我,呢個應該係神蹟。」

成為基督徒已有 13年的關心妍,近年於樂壇屢遭挫折,加上丈夫楊長智屬金融界才俊,佢即使冇嘢撈,生活也不愁。據知她計劃轉行傳道,於不同規模的教會講見證,將唱歌變成副業。

周一( 4日),記者就佈道會上的說話問過關心妍,她緊張地說:「咁娛樂圈真係比社會其他行業複雜,但具體真係唔想講。(係咪諗住全職傳道?)我未有資格,做傳道人要讀咗神學學位課程先,不過我有興趣讀。(唔再唱歌?)歌我會繼續唱,但依家我唔再參加頒獎禮。」

衰事一堆

02年出道的關心妍,雖然入行首年就攞新人獎,可惜無以為繼,其後衰事接二連三,認真運滯。

放大圖片

轉捧周麗淇

04年,唱片公司 BMA將關心妍到日本受訓片段俾有線播放,令她無辜俾無綫封殺半年。同年底, BMA更力捧周麗淇,關人氣急跌。

放大圖片

搶獎𤓓爆

關心妍 08年於無綫頒獎禮上,誤當關菊英的獎是自己,竟然搶去關菊英的獎,事後關心妍就辯稱幻聽。

放大圖片

港台食白果

今年 1月,一心靠〈失戀哲理〉食糊的關心妍,出席港台頒獎禮時坐足全晚,連一首金曲都分唔到,令她萌退出念頭。

佈道會歷時兩小時,單單是關心妍講見證的環節已有 45分鐘,其間她不時眉頭緊皺,情緒非常投入。

佈道會爆大鑊

娛樂圈藝人教徒眾多,他們更親身在佈道會上講見證,大爆自己鮮為人知的秘密。

放大圖片

蔡少芬爆險流產

曾經歷小產的蔡少芬,去年尾於佈道會上,大爆懷第二胎期間,胎盤撕裂兼大量出血,險失胎兒。

放大圖片

鄧萃雯自爆做小三

鄧萃雯去年於佈道會自爆後悔做過「小三」。早前她更自爆會再開佈道會講《金枝慾孽(貳)》時患情緒病的經過。



Related Posts Plugin for WordPress, Blogger...