2013年3月8日 星期五

[忽然1周]好姊妹 超雲 超雲、超蓮 超盈 娛樂八卦 超雲 何超蓮 超蓮 忽然1周




上流滙

好姊妹

2013年03月08日

姊妹定義有好多,有親生、有哎 吔,經常孖住出入 嘅亦可稱為姊妹花。社交圈有無數 pair姊妹出入 ball場,人前鬼咁好感情,一有困難即時撲出來幫手,互相擋駕。不過背後呢?係咪真心好姊妹,只有當事人先知!

超雲生日宴

食完生日飯,超雲、超蓮同陳山聰一齊走人。記者叫山聰咀啖超雲,超蓮即出手解圍,九秒九啜實家姐,搞到對方面都歪埋。

超雲、超蓮互推

上周超雲 24歲生日,於中環搞生日,除男友陳山聰傍實外,老竇何鴻燊亦出院到賀,認真大面。

被訪時,兩姊妹互推。回應婚事有一年的超雲當場叫記者關心一下細妹與吳克群的戀情,點知超蓮反擊:「你結唔結婚㗎?媽咪話個個都係朋友喎。」兩姊妹互相推莊。

放大圖片

狂隊

兩姊妹互推完,即坐回主家席食飯,各有各隊 餸菜。

放大圖片

無奈

陳山聰同超雲人前大曬恩愛,不過生日飯中,他竟未獲批坐主家席,遭冷落的他全程戇居居。

放大圖片

呆等

賭王何鴻燊專程出院賀超雲,但當晚超雲卻滿場飛招呼親友,賭王等到發呆!

3月 1日東華活動

放大圖片

三太陳婉珍以東華第一副主席身份出席晚宴,性感打扮的超雲單拖撐場。被追問婚事的她又擺細妹上枱︰「又係呢個問題,不如問番阿妹!」而自稱輕了 6磅的超雲,塊面尖咗,不過條晚裝裙過分貼身,唧出大片肉背(小圖)。要入娛圈真係要再俾心機減磅。

3月 2日慈善晚宴

超盈有伴

放大圖片

無端端改名何朗禎的超盈,搵 Moiselle太子爺陳柏熹傍住去癌症基金慈善晚宴,她識做著對方品牌晚裝賣廣告。見記者要求做訪問,她影相時卻做口形話「冇嘢傾!」真有性格。

Lisa S. Ana R.癡纏

放大圖片

懷有 6個月身孕的 Lisa S.同 Ana R.各帶伴去 ball,兩個一撞見,好似久別重逢咁款,即場又攬又錫,阻住排長龍等影相見報的其他賓客。

汪詩詩、汪圓圓緊張

放大圖片

與玩具大王兒子蔡加讚訂婚的汪圓圓,孖住家姐汪詩詩去 ball,大爆自己搞婚事進度緩慢。身旁的詩詩就緊張說:「依家要開始去傾㗎喇,我全副精神放 喺細妹度,即使同老公(甄子丹) 嘅結婚 10周年都可能食餐飯算,都老夫老妻囉!」

傅明憲、趙式芝撐場

周日( 3日),身為愛護動物協會會長的傅明憲,晨早 8點於迪士尼搞慈善活動,好姊妹趙式芝例牌捧場。早一晚出席晚宴不接受訪問的她,當日大開金口講狗,夠曬俾面!

放大圖片
放大圖片

上周六( 2日),趙式芝穿上鄭兆良設計的晚裝去慈善晚宴,入場前主動拖實「太太」楊如芯,表現恩愛,不過見記者便急步進場。



Related Posts Plugin for WordPress, Blogger...