2013年3月18日 星期一

倫常慘案疑兇崇拜華英雄 伊健:打機要抑制 娛樂八卦

video


倫常慘案疑兇崇拜華英雄 伊健:打機要抑制

恨做華英雄變慘劇 伊健:打機要抑制

本港近日接連發生兩宗逆子弒父母的倫常慘案,其中一名沉迷打機的疑兇,夢想成為漫畫中的「華英雄」,不甘母親斥責而動殺機。曾在電影《中華英雄》扮華英雄的鄭伊健同樣鍾意打機,他昨坦言對慘案難以接受,覺得好恐怖,自己從沒打機打到想殺人,呼籲大家做任何事都要適可而止。

繼大角嘴揭發弒父母碎屍案20小時內,前日淩晨再發生一宗逆子斬殺父母的慘劇,沉迷打機的疑兇,因跟舊同學連夜打機被母親責罵,盛怒下斬殺父母,事後疑兇聲稱想變成漫畫《中華英雄》內的華英雄,擁有天煞孤星的命格,事件震驚全城。



■鄭伊健昨坦言對倫常慘案難以接受,覺得好恐怖。

「可能忽略溝通」

曾在電影《中華英雄》扮演華英雄的鄭伊健,昨早跟歐倩怡到海洋公園為國際培幼會的「培您童行」擔任大使,對於接連發生倫常慘案,伊健說:「好難接受,大家要留意新一代點教育,𠵱家啲人好著重做乜學乜,可能忽略溝通,有咁嘅現況好恐怖。」

對於疑兇沉迷打機,同樣愛打機的伊健說:「做乜都要適當,打機都係健康活動。」至於疑兇表示想做華英雄,伊健嘆謂:「只係一本書嚟,我以前都有夢想過,咁好彩我入咗行,拍戲夢想成真,可能佢冇空間表達出嚟,我都好鍾意打機,總之唔好over就得,年代唔同咗,家長思想都要改變嚇,我大個咗有思想先可以打機,會控制到自己,第一次買遊戲機係入行喺無綫第一份工。」

問伊健會否打機打到想殺人?他說:「唔會,呢個唔係好嘅社會現象,遊戲有分暴力、益智,父母要監管,生下一代要承擔責任。」問到是否影響他生小朋友?伊健坦言:「我同另一半都冇呢個打算,因為太多憂慮,無論環境、制度、教育,都好有壓力。」



■伊健曾在電影《中華英雄》扮華英雄,弒父母的疑兇視華英雄為偶像。

劇照

倩怡禁兒子打機

另外,歐倩怡帶囝囝出席活動,她表示囝囝現年5歲不懂打機:「我同安仔(郭晉安)唔會畀囝囝接觸智能手機,唔只打機,每一樣太沉迷都會影響生活,自己有宗教信仰可以引導小朋友,如果將來佢打機,會畀正當指引佢,今次事件好複雜,係社會問題。」

採訪:卓寶花

攝影:陳順禎



■歐倩怡指五歲囝囝未懂打機,將來她會給予正當指引。

想睇更多首輪猛片介紹同預告片?《一台戲》為你網羅最新電影介紹及影評↓↓↓↓

http://hk.movies.nextmedia.com/

上一則:蔡少芬張晉曬溫馨正能量

下一則:城城綵排冧吊臂 搏盡照開騷