2013年3月12日 星期二

入Dirty Club要有好身材 娛樂八卦




入Dirty Club要有好身材

Dirty Club共有11位成員,包括周汶錡、周麗淇、汪圓圓、汪詩詩、陳淑蘭、羅霖、黃佩霞、馬德鐘太太張筱蘭、伍詠薇、周美鳳和馬詩慧,而Dirty Club一名由周汶錡提出,屬反話,意即「一啲都唔Dirty」。周美鳳昨透過電話透露成立此會的原因:「有次做慈善活動,邀請咗七位嘉賓,佢哋都係義務出席,完咗我諗住請佢哋食飯,後尾又打算請多幾位曾經幫過我嘅人,結果嗰晚就成班女仔一齊食蟹,期間傾得好開心,於是大家提議成立一個會,繼續約會,依家佢哋當我係會長。」周美鳳續說:「每次聚會都輪流做搞手,搞手要請客同諗主題,今次輪到周汶錡,主題係太陽眼鏡,寓意戴咗大家唔會認得我哋!」入會資格方面,她笑說要求要有36-24-36身材,並說只會多收一位成員,限額是12位。

除了Dirty Club,圈中有不少藝人亦成立類似性質的會,以便不時聚會,例如汪明荃、鄭裕玲、林建明、曾華倩、毛舜筠和江欣燕等藝人的至八會,以及梁朝偉、杜德偉、呂方、鍾鎮濤等男星的76會。

  • 放大圖片
  • 放大圖片


Related Posts Plugin for WordPress, Blogger...