2013年3月23日 星期六

「唔好惹咪冇事」 Lynn大婆宣言驅苟 娛樂八卦

video


「唔好惹咪冇事」 Lynn大婆宣言驅苟

大婆宣言趕苟 Lynn:咪惹爛桃花

郭富城近日在紅館開騷,殺出苟芸慧挑機踩場,城城正印女友熊黛林(Lynn)前晚在中環出席活動時發表「大婆」宣言,寸爆指緋聞是爛桃花的苟芸慧:「唔好惹咪冇事。」Lynn更開綠燈,不介意城城再傳緋聞,並揚言感情要互相尊重。

熊黛林、Jessica C.、Janice Man(JM)與師妹JW等,前晚在中環出席Dior香氛活動,JW穀胸露出3吋事業線搶JM風頭。對於苟芸慧「靚位」捧城城場,Lynn表示:「OK啦,我鍾意好似fans咁一齊癲一齊跳,我寧願坐第一行同佢握手,會睇多場,都未夠。」



【今日我至信】熊黛林前晚現身無懼苟芸慧挑機威脅,仲好風騷咁曬玉背,派埋定心丸話對城城絕對信任㖭!

傳出緋聞後,城城將愛駒名字由「愛河」改做「愛將」,Lynn表示不知情:「佢哋揀名,好先改。」問Lynn覺得苟芸慧靚嗎?她說:「未見過佢真人,睇相好sweet。」城城經理人小美送演唱會門票給樂易玲,樂小姐同苟芸慧捧場,會否覺得被剃眼眉落面?Lynn說:「公司畀飛嘉賓好正常,公司安排藝員都要服從。」



■苟芸慧日前現身捧城城個唱場,重溫二人《天機密語》的開心時光。

資料圖片

互相尊重信男友

苟芸慧曾揚言與城城的緋聞是爛桃花,Lynn笑笑口說:「哈哈,係咩?爛桃花,唔好惹咪冇事,我好慘,冇桃花。」記者取笑她是真桃花,她表示:「我好驚麻煩,多一事不如少一事,𠵱家有冇桃花都唔知。」對於城城愛車出現苟姑娘住所樓下的緋聞,她力撐:「嘉偉(指沈嘉偉)架車都喺後面,唔通兩個一齊搵,咁無聊。」

提到七年之癢,何不早點拉埋天窗,Lynn說:「慢慢,自己再做好啲,好多方面唔夠好。」她強調不會致電城城查證緋聞。問到她開綠燈給城城傳緋聞?她笑言:「佢唔介意就得,佢處理到冇問題,做嘢控制唔到。最重要係互相尊重,將心比心啦。」有讀者報料,前日早上目睹Lynn乘坐達400萬元、車牌「AK」的麥拿倫跑車,到中環娛樂行,未清楚司機是誰,但車主登記並非城城本人。



■古巨基前晚捧城城場,更在後台施展他的辣身舞箍城。微博圖片

此外,熊黛林昨日接受商台訪問,榮升城嫂後,外界一直集中在戀情上,忽略了工作,她笑說:「支筆喺人哋度,控制唔到,我做好自己嘢咪得!」有否計劃今年結婚兼退出?她只說:「工作同家庭對我都咁重要!」

採訪:梁錦雯

攝影:仇志德



■JW罕有露出3吋事業線搶Janice Man(左)風頭。

想睇更多首輪猛片介紹同預告片?《一台戲》為你網羅最新電影介紹及影評↓↓↓↓

http://hk.movies.nextmedia.com/

上一則:陳展鵬睇中胡杏兒

下一則:六合一針藥傷大腦 豆鬥轟政府 毒害兒童



Related Posts Plugin for WordPress, Blogger...