2013年3月8日 星期五

阿sa 低cup 拉丁唔益陳偉霆 娛樂八卦 陳偉霆

阿Sa暫時未有意結婚生仔,現時專注事業。


阿sa 低cup 拉丁唔益陳偉霆

蔡卓妍(阿sa)昨日以青春運動裝出席活動,她透露將要閉關習舞,苦練拉丁出戰內地舞蹈比賽節目。問會否找男友陳偉霆做舞伴?她坦言寧願搵以前的跳舞老師。屆時要穿性感舞衣的她不忘自嘲:「大家都知我咩事,我好低cup!」

阿Sa昨日出席「adidas-all in for #mygirls」代言品牌活動,穿運動裝的她跳住舞出場,大曬青春。她透露正努力練舞,為下月的內地舞蹈比賽節目作準備。阿Sa說:「我買咗DVD學跳拉丁舞。(張栢芝都有份,一齊比舞?)唔知喎,不過冇信心贏。」問可會找舞功高強的男友陳偉霆做舞伴?她堅拒說:「佢都唔係跳拉丁舞,而且又唔喺香港,我會搵番以前拉丁老師練習。」她又稱要盡快穀肥自己:「件舞衣有好多位要露,我驚晾唔起件衫。」問屆時的舞衣是否很低胸?她自嘲說:「唔緊要,大家都知我咩事,我好低cup!」

慶幸沒與前夫反面

阿Sa早前表示對前夫鄭中基成家立室而大感欣慰,她大方地說:「我口述咋,記者問我咪講囉,見佢咁幸福,好戥佢開心。」她又感恩沒因離婚而與鄭中基關係破裂:「因為睇新聞有好多人分咗手後變得交惡又互數不是,但曾經相愛,唔太好。雖然同佢好少聯絡,但我覺得好幸運,最緊要大家開心。」

阿Sa早前曾在音樂會大跳拉丁舞,有板有眼。
  • 阿Sa早前曾在音樂會大跳拉丁舞,有板有眼。
陳偉霆舞技出色,但無緣與女友一齊到內地參賽。(資料圖片)
  • 陳偉霆舞技出色,但無緣與女友一齊到內地參賽。(資料圖片)
栢芝日前曾在內地宣傳跳舞節目,未知會否與阿Sa比賽。
  • 栢芝日前曾在內地宣傳跳舞節目,未知會否與阿Sa比賽。

問阿Sa何時組織家庭?她大派定心丸說:「我都想o架!到佢(鄭中基)咁嘅年紀先啦!小朋友唔係生咗就算,要畀啲時間同愛心。(楊千嬅後悔遲生。)我依家30歲,佢同我差唔多啫,不過相士話我會生好幾個,唔急。」

文:音樂組