2013年5月15日 星期三

為部戲  8年後回巢翻撻林峯 李彩華:唔介意再做情侶




Rain由 06年開始北上拍劇, 11年憑內地劇《回家的誘惑》中一角更火速走紅,去年一口氣連接六劇。今次回巢 TVB做外援幫拖,拍住前度峯哥,應該有火花啩!

真面目

為部戲  8年後回巢翻撻林峯 李彩華:唔介意再做情侶

無綫近年唔少當家花旦小生北上掘人仔,挖走不少藝員,令到無綫急住變陣救亡,唔只加薪留人,仲開始搵外援回巢拍劇,好似周海媚、關詠荷同吳啟華等,新鮮例子有近年在內地紅爆的李彩華 Rain。

本刊得悉,指無綫重金邀得 Rain回巢拍劇,而「回歸劇」更打算搵 Rain孖住舊愛林峯,再續前緣搞 gimmick。以為 Rain一聽見林峯就會 say no,點知 Rain反而好大方咁話:「唔介意再做情侶!」梗係啦,搵銀緊要嘛!

02年熱播劇集《雲海玉弓緣》,當年的林峯先後同過李彩華及葉璿傳緋聞,如今 TVB有意再搵三人合作拍古裝劇,成事的話,相信呢個組合都吸引到不少觀眾。《蘋果日報》圖片

29歲的李彩華, 16歲入行一直發展平平,當年還清屋企債務後,不久便轉戰北上發展,長駐內地拍劇密執人仔,累積唔少人氣仲愈拍愈紅,成為內地當紅姐仔。

4萬 1集

Rain出名孝順,經常都被傳媒拍得 Rain同屋企人出入,近年更轉由媽咪擔任經理人,幫佢管理工作。《蘋果日報》圖片

無綫鬧花旦荒,近年積極四出搵新舊外援回巢救收視,本刊收到獨家消息,指無綫近日同李彩華傾掂數,以 4萬蚊一集,拍攝一套古裝片,而 Rain回巢第一炮,便會與舊愛林峯合作拍劇做情侶。

據知情者說:「 TVB見 Rain近年喺內地咁紅,咪趁佢前排返香港嗰陣,同佢傾拍劇嘅事,仲話度好咗套劇,用番當年《雲海玉弓緣》嘅班底,搵埋林峯、葉璿一齊再拍套古裝戲,聽聞今次 TVB都好大手筆,出成 4萬蚊一集請佢返嚟,個價仲貴過林峯同葉璿,所以 Rain最後都應承咗!」

前度合體

本週五( 10日)本刊致電 Rain,問及返無綫拍劇一事, Rain一聽見將同林峯拍劇就笑住答:「哈哈……我未收到通知喎,平日係媽咪幫我接 job,可能媽咪接咗未話我知啦,我唔介意同林峯再合作、亦都唔介意拍劇再做情侶,不過我個期最快都要去到 8月。」難得舊愛 Rain唔介意,但林峯新歡「千語 BB」可能會介意喎!

'02撻着

Rain早前在訪問中承認 02年與林峯因拍《別戀》,日見夜見而開始,最後又因見面時間少而無疾而終,和平分手再合作都唔怕尷尬,不過林峯個樣就變曬。《蘋果日報》圖片

'05拍 Bosco

Rain在 TVB最後一劇是 05年與黄宗澤、陳鍵鋒合作的《我師傅係黄飛鴻》,其後 Rain便全力進軍內地發展。

葉璿、林峯在 TVB曾合作不少劇集,上年葉璿擔任出品人並主演《紫釵奇緣》,即搵來舊拍檔林峯做男主角,兩人合作的劇集以往都收視不俗,呢套劇亦獲 TVB收購海外發行版權。

在 TVB對上一劇已是《雷霆掃毒》後,冇劇在身的林峯,近排忙住北上拍內地劇《陸小鳳與花滿樓》。

強國有仔又有米

Rain都算第一批北上發展的藝人, 06年北上至今愈做愈紅,近期有指她在內地拍劇每集約廿萬人仔,吸金力比視後佘詩曼、胡杏兒更強。

近年內地劇接劇,最近李彩華更因憑《星跳水立方》因禍得福,「撻生魚」贏了掌聲再吸納大量內地粉絲。網上圖片

網上圖片

向來都有不少報道指 Rain愛釣金龜,今年初又被拍得與內地煤礦富二代萬思維北京密會曬恩愛。網上圖片

外援玩曬

TVB缺演員,惟有重金請外援幫手,先有搵來吳啟華、吳鎮宇、關詠荷等人打頭炮,更講明陸續掟錢搵外援。

黄子華提前出閘

曾為 TVB最高收視紀錄保持者的黄子華,近日已忙於與徐子珊趕拍 TVB新劇《 My盛 Lady》。《蘋果日報》圖片

家輝阿佘合作

由曾志偉碌人情咭,請出爐影帝梁家輝配佘詩曼合作拍女人劇《 Aerobic Girls》,落實明年一月開拍。《蘋果日報》圖片

張家輝拍 30集

04年拍完《天涯俠醫》後便冇拍過電視劇的張家輝,有指他獲 TVB以 10萬一集力邀回巢拍 30集長劇。《蘋果日報》圖片



. 為部戲  8年後回巢翻撻林峯 李彩華:唔介意再做情侶
http://hot104.blogspot.com/2013/05/8.html
. 為部戲  8年後回巢翻撻林峯 李彩華:唔介意再做情侶
http://hittt.blogspot.com/2013/05/8.html
. 為部戲  8年後回巢翻撻林峯 李彩華:唔介意再做情侶
http://hittt.blogspot.com/2013/05/8.html
. 為部戲  8年後回巢翻撻林峯 李彩華:唔介意再做情侶
http://hittt.blogspot.com/2013/05/8.html
Related Posts Plugin for WordPress, Blogger...