2013年5月31日 星期五

志偉友情價 撐無綫世界盃




早前以4億天價奪得明年巴西世界盃獨家播放權的無綫,決定「搞大佢」,以下月上演的洲際國家盃為世界盃揭開序幕,出動半百藝員撐場,更成功說服元祖福祿壽曾志偉、陳百祥、譚詠麟及李克勤打造星級講波團,而4人更講波講到明年世界盃,其中志偉為撐無綫,寧放棄在內地天價講波的吸金機會,以友情價留低。

無綫取得巴西世界盃的香港獨家播放權,力邀克勤、志偉、阿倫及阿叻講波,打造星級陣容,增加噱頭!

無綫豪擲4億元買下明年巴西世界盃的香港獨家播放權,為隆重其事,無綫不惜工本在世界盃舉行前夕搞多個大型製作。而頭炮就是直播下月15日於巴西舉行的洲際國家盃16場賽事,洲際盃跟世界盃同是4年一度,安排在世界盃前一年舉行,以供世界盃主辦國進行預演,故無綫睇準這個時機,藉此為世界盃揭開序幕。

阿叻打頭陣飛巴西

為隆重其事,無綫於下月15日淩晨1時巴西對日本的賽事,會出動半百藝員撐場,而主持卡士相當有分量,找來元祖福祿壽曾志偉、陳百祥(叻哥)和譚詠麟(阿倫),加上李克勤成星級講波團,齊齊在洲際盃賽事中講波。據知這個4人組合,同樣是無綫世界盃的主持人選,希望他們可以一路講波一路放笑彈!據知,他們已口頭答應,其中志偉為撐無綫播世界盃,過往幾屆世界盃都以天價到廣東省講波搵真銀的他,不惜放棄吸金機會,以友情價於巴西世界盃留在無綫講波,寧願搵少啲,相當畀面!

至於叻哥據知已獲無綫欽點做先頭部隊,將遠赴巴西拍攝世界盃特輯。而無綫亦以銀彈攻勢力邀一班專業「講波佬」助陣,據知深受球迷歡迎的黃興桂成為無綫的頭號目標,更不惜工本力邀對方坐鎮世界盃,而且成數相當高。不少藝員得悉無綫將大搞世界盃後,均自動獻身,自薦加入世界盃團隊,故無綫不擔心大搞多個節目時不夠人選調動。

昨日記者致電阿叻,他承認將會為洲際盃及世界盃講波,亦相當期待,他打趣說︰「咁多老嘢講波,聽我哋係咁嗌,都幾開心。」對於志偉以友情價留低講世界盃,他笑言自己冇人工收︰「TVB吩咐我就去做。(問老友陳國強收人工?)唔係冇人工,未傾啫!(有冇靚女同行?)我都唔知,淨係知黃杏秀同我去。(會唔會帶埋旗下蔚雨芯同楊焉去?)唔知!世界盃需要有專業足球知識,而且有好多娛樂性節目,唔使帶都可以參加,上次子珊都主動話跟我去巴西啦!」

無綫取得巴西世界盃的香港獨家播放權,力邀克勤、志偉、阿倫及阿叻講波,打造星級陣容,增加噱頭!



.志偉友情價 撐無綫世界盃
http://hot104.blogspot.com/2013/05/blog-post_31.html
.志偉友情價 撐無綫世界盃
http://hittt.blogspot.com/2013/05/blog-post_31.html
.志偉友情價 撐無綫世界盃
http://hittt.blogspot.com/2013/05/blog-post_31.html
.志偉友情價 撐無綫世界盃
http://hittt.blogspot.com/2013/05/blog-post_31.html