2013年5月17日 星期五

彈唔起 木村拓哉




亞熱帶

彈唔起 木村拓哉

剛憑《無價人生》奪得「第 75回日劇學院賞」視帝的木村拓哉,在劇中又扮窮人又要除衫,出位搞作令他第九次成為視帝。不過風光背後充滿暗湧,皆因木村已經連續三套劇平均收視唔過 20%,加上唔少視迷大彈木村又殘又老,反映已經四十歲的「萬人迷」木村風光不再。

《無價人生》首集收視僅 16.9%,不但打破木村劇集首集必有 20%收視的神話,就算去到結局玩埋「劇集直播」,收視仍然不振,全劇平均收視只有 17.7%,與他在《律政英雄》的 33.9%平均收視相比,只剩一半。

連環三劇唔掂,有唔少視迷歸咎於 40歲木村又殘又老。其實,《無價人生》卡士唔差,有靚女香里奈、演技派中井貴一及《螢之光》男主角藤木直人。播出之前,木村都知人氣不及當年,惟有自爆同實力派演員荻原聖人不和:「初出道時,有人同我講:『你呢啲偶像派邊識做戲㗎!』我好嬲呢個人!(佢係邊個?)佢係荻原聖人!」 07年兩人在《華麗一族》,演一對好朋友都呃到人,同樣好演技!

之後,又輪到劇組爆出木村同香里奈戲假情真,搞到木村老婆工藤靜香頻頻探班,要宣示主權,不過一樣無助收視。

壓力爆煲,木村仲好衰唔衰,去年被揭原來曾兩次超速駕駛並被吊銷牌照。雖然每次罰款只是 3千幾港元,不過木村是豐田代言人,超速事件隨時影響續約。木村一個廣告價 keep住 400萬港元,仍然是最受歡迎廣告影星,不過就輸俾同是大和民族高爾夫球手石川遼( 800萬港元)及棒球手鈴木一朗( 640萬港元)一大截,認真丟架。

街頭露肉

在首集《無價人生》,本來係經理嘅木村被炒。冇儲蓄習慣嘅佢搞到要露宿街頭,去球場沖涼都衰到俾小學生玩,認真黑仔。

食救濟餐

由於周身冇蚊,劇中木村不單止要周街執銀仔,仲要排隊攞免費飯。《無價人生》逢周日晚上 9時喺無綫煲劇 1台播出,大家不妨睇睇木村有幾折墮。

老態畢現

在《 Smap X Smap》,木村玩到除衫,可惜佢六嚿腹肌合成一嚿,呢鋪真係獻醜。細心睇,四十歲木村眼紋、面紋出曬嚟,認真趕客。

隊友都殘

11年 Smap訪華,除了木村, Smap另一成員草弓剪剛(左一)同稻桓吾郎(右一)都明顯髮線上移,全靠吹鬆個頭掩飾,三人似乎都要向溫家寶學習點保養。

Gaga抽水

雖然木村被 fans嫌老,不過佢始終有魅力, 11年 Lady Gaga訪日,都忍唔住要咀佢。不過,可能木村都聽過 Lady Gaga係男人呢個傳聞,佢個樣擺明唔 like。

廣告價只排第三

為了挽回弱勢,木村已經應承首次拍古裝劇集。劇中他飾演織田信長,夥拍米倉涼子、北野武及小粟旬。不過套劇要下年至開拍,木村今年只能靠《無價人生》電影版吊住人氣,希望他到時 keep番靚仔至見人啦。

罕見古裝

木村一向唔 like自己古裝扮相, 06年首次在電影《武士之一分》扮武士(圖),下年再首次拍古裝劇集。

連續仆

木村三劇連續收視唔得,對上兩次包括《南極大陸》拍住近年最紅女星綾瀨遙,以及《月之戀人》拍住林志玲亦仆直,平均收視 16.8%,創木村收視新低。

同年木村拍了一個改編《標殺令》的地產廣告。木村仲學白眉道人講廣東話,竟然跟白眉講咗句:「黐 X線!」



. 彈唔起 木村拓哉
http://hot104.blogspot.com/2013/05/blog-post_6715.html
. 彈唔起 木村拓哉
http://hittt.blogspot.com/2013/05/blog-post_3432.html
. 彈唔起 木村拓哉
http://hittt.blogspot.com/2013/05/blog-post_3432.html
. 彈唔起 木村拓哉
http://hittt.blogspot.com/2013/05/blog-post_3432.html