2013年5月15日 星期三

解約碩之剝去康城




FBI

解約碩之剝去康城

趙碩之( Wylie)早前爆出同經理人公司大名娛樂合約糾紛未解決,仲傳佢出道 5年至得 60萬落袋。而最新消息係佢要向大名賠 40萬贖身,認真陰功!

趙碩之上星期出席《星空奇遇記:黑域時空》首映冇再數爆大名娛樂,但佢之前接受電話訪問,就喊住話大名講金唔講心。

呢頭喊曬話零工作,其實 Wylie早排先孖住陳慧琳細佬陳司翰拍咗胡偉成導演的新片《冬戀望日》。《冬》片主要想反映時下香港人的愛情觀,胡導演話:「𠵱家啲人講:『 I love you』好簡單,但呢句其實係一個承諾……趙碩之係嗰種以為用性就可以綁住男人嘅女人,但佢呢個諗法大錯特錯,唔單只陳司翰虐打佢,分手後,新男友又呃佢,搞到佢最後崩潰自殺。」

呢套戲喺今個月 15號仲會去康城宣傳,之後會參加威尼斯電影節及多倫多電影節。自稱冇嘢撈嘅趙碩之可能被睇中拍西片都唔奇呢!

打到爆缸

陳司翰有鋪打女人癮,呢一幕講佢狂打女友趙碩之,導演話一 roll機二人即嚟真打到啪啪聲,好專業。戲中趙碩之仲被司翰打到爆曬缸。

用性換愛

趙碩之終於忍唔住被陳司翰虐打而分手,愛上內地演員趙楚侖,拍拖冇耐即同對方上床,用性換愛。

同情男友

趙楚侖起初扮盲吸引趙碩之愛心,但之後趙碩之知道佢講大話而分手,重投陳司翰懷抱。

悲劇收場

趙碩之想同陳司翰復合,可惜司翰要同新女友結婚。趙碩之受唔住打擊,最後自殺身亡。《冬》片預計暑假在港上影。

導演 胡偉成

《冬戀望日》由趙碩之、陳司翰,惠英紅及內地演員趙楚侖等主演。以 5種顏色白、紅、藍、綠及黑代表 5種對愛情有唔同態度嘅人。而趙碩之所代表的藍色就有「愛人強迫症」,要不斷對愛人付出至安樂,至於陳司翰就代表黑色,這種人自私自我,唔顧人感受。



. 解約碩之剝去康城
http://hot104.blogspot.com/2013/05/blog-post_5026.html
. 解約碩之剝去康城
http://hittt.blogspot.com/2013/05/blog-post_5539.html
. 解約碩之剝去康城
http://hittt.blogspot.com/2013/05/blog-post_5539.html
. 解約碩之剝去康城
http://hittt.blogspot.com/2013/05/blog-post_5539.html