2013年5月23日 星期四

陶傑情慾片 氹掂 Mandy半裸




係你,我先獻身!(設計對白)

探熱針

陶傑情慾片 氹掂 Mandy半裸

出道十年,現年 28歲的 Mandy Lieu,早前預告將以內褲上陣拍情慾片。錫身多年的她,忽然肯大解放,全賴處男執導的才子陶傑將頑石氹掂。除 Mandy Lieu,搏到盡的男主角還有 Lam仔林德信及關楚耀。

六月開拍,一切準備就緒!日前發現陶傑約 Mandy飯局密斟,為了今次破格演出, Mandy搵專人教戲,上床做戲一樣要有演技!

衝破底線

上週六(五月十八日)晚上,記者發現陶傑同 Mandy Lieu到金鐘撐枱腳,二人摸住酒杯底傾足三粒鐘。其間陶傑不停發言, Mandy則細心聆聽點頭和應。只偶然在公開活動上作性感打扮的 Mandy,肯破戒接拍情慾片,穿內褲跟對手床戲肉搏,全靠首次執導的陶傑夠牙力,據知他希望 Mandy的底線再有下調空間,故當日二人密斟三粒鐘,除研讀劇本,陶傑為要令 Mandy放棄最後防線,不斷作最後遊說。

曾寫過情慾小說的陶傑,半年前決意由作家轉執導演筒,開拍情慾片《愛•尋•迷》。向來標榜「崇優」的他,揀女主角亦相當挑剔,先決條件樣靚身材正及具知名度外,還要是情慾片界的新鮮人。左挑右揀,卒之鎖定未出過性感寫真,冇拍過三級片的 Mandy Lieu。

放心交俾我啦。(設計對白)

我會擔櫈仔,霸頭位!(設計對白)

傳力追 Mandy Lieu的金剛,唔知到時會唔會去首映撐女神呢?

飯局氹掂

上週六晚( 18日),即將合作的陶傑與 Mandy被發現相約在金鐘傾情慾片《愛•尋•迷》劇本,二人邊歎紅酒邊密斟。

負責執導的陶傑愈講愈興奮,其間講到手舞足蹈,給他氹掂的 Mandy聽得全神貫注,為大膽演出做定功課。

當日 Mandy雖一身便服包到實,但仍難掩美好身段。他們傾足三粒鐘才捨得離開。

劇本有發揮

今次 Mandy肯全面解放的最大誘因,是電影的故事內容並非以色情掛帥,有劇情有發揮之餘,陶傑專程越洋到荷蘭請攝影師開機,剪片及副導也是他精挑細選的班底。「 Mandy唔係得個殼,佢對文化有研究,對社會民生問題有好多睇法。

「正正陶傑執導嘅情慾故事係講現代男女被扭曲嘅愛情,對社會好多不滿。佢哋坐埋一齊,會互相探討社會問題,加上兩個都係响英國讀書,份外啱 key, Mandy信得過陶傑,先肯獻身拍情慾片。套戲有三個單元故事, Mandy係其中一個,另外兩個就由餘安安同會露點上陣嘅內地女星孭飛。」知情者說。

有「香江第一才子」之稱的陶傑,博學多才,對電影素有研究。 11年電影《關雲長》宣傳活動,由他上陣訪問大導演薑文。

Mandy唔單止有樣有身材,亦有才華。早前她自組班底,到意大利拍旅遊特輯,再賣俾電視台,成個節目拍得有板有眼。

情慾忘年組

除 Mandy Lieu,力撐陶傑處男操刀的還有餘安安。她在片中跟細她廿四年的關楚耀亦有激情場口。

美國演員做對手

Mandy內褲肉搏,據知男主角 Lam仔林德信及關楚耀亦會大解放。不過最後執到支好籌,可跟 Mandy近距離接觸,是身形魁梧的美國華籍演員吳國耀。至於近年拋開歌手形象拍三級片《喜愛夜蒲 2》的關楚耀,則拍住五十四歲餘安安,在片中大玩母子戀,同樣會有連場床上激戰,林德信為求上位,將會與露點演出的內地新女床戰。

為求出位,據知林德信在《愛•尋•迷》中比關楚耀更搏,與露兩點的內地女演員激戰。唔知女友松岡李娜會唔會呷醋。

(《蘋果日報》圖片)

故事吸引

Mandy首次大膽演出,即吸引投資者注資睇好。其中有電影老闆李冠亮(左一)的銳豐娛樂同稻菊飲食集團齊撐 Mandy。

原先 Mandy聽見情慾片三個字,一口拒絕接拍,後來知道劇本出自陶傑手筆,才有信心坐低傾。「聽完個古仔好吸引,有愛有恨,我唔係為拍情慾片而拍,而係呢套片有內心戲發揮,我唔會着眼一兩場激情場面,信得過陶傑唔會拍得猥瑣。」

至於首次執導,就向重口味埋手,陶傑解釋:「起初係我老友何永霖(現任驕陽電影部高層)攞個劇本俾我睇,問我意見。點知講講吓佢話想我拍,起初時婉拒,但對方誠意拳拳,猛話對我好有信心,後來我只係僭建多兩個古仔,令套戲變成三個單元。」

對於 Mandy做女主角,陶傑充滿信心,「 Mandy本身係馬來西亞人,但喺英國出世同長大,又識廣東話,有樣有修養,身份同性格根本好啱套戲嘅角色,冇其他人可以取替。」

拍情慾片十個有九個以藝術掛帥掩飾,陶傑則拒絕情慾傑作走曲高和寡包裝。「我唔搞藝術,我係通俗人,拍通俗片!你哋一睇片名《愛•尋•迷》,就知至少有露兩點場面。(咁係咪三級片?)係情慾抑或三級,就等到時電檢處決定!」

03年 Mandy俾星爺睇中拍生力啤廣告爆出,但去年她才進軍影壇,在電影《太極》及《天生愛情狂》客串,但兩片發揮並不多。今鋪終於有機會坐正!

《天生愛情狂》



. 陶傑情慾片 氹掂 Mandy半裸
http://hot104.blogspot.com/2013/05/mandy.html
. 陶傑情慾片 氹掂 Mandy半裸
http://hittt.blogspot.com/2013/05/mandy.html
. 陶傑情慾片 氹掂 Mandy半裸
http://hittt.blogspot.com/2013/05/mandy.html
. 陶傑情慾片 氹掂 Mandy半裸
http://hittt.blogspot.com/2013/05/mandy.html