2013年9月25日 星期三

女尊男卑 謙謙慳住賀生日 楊怡買 80萬新車氹自己




拍拖兩年幾,楊怡同羅仲謙感情穩定,仲見埋家長,睇怕好快好事近喎!

真面目

女尊男卑 謙謙慳住賀生日 楊怡買 80萬新車氹自己

無論女尊男卑定女熟男嫩,拍拖結婚例牌冇人睇好,最近連結婚八年嘅王菲亞鵬都話離婚,就知女尊男卑要維繫確係有難度。

好在凡事有異數。楊怡同羅仲謙呢 pair,慢慢由地下浮上水面,各自拍完劇早排仲齊齊約埋補祝 34歲同 29歲生日添!當家花旦生日更豪擲 80萬買新車氹自己,相反對男朋友冇要求,開到聲話叫男友「送自己」就得,呢啲咪經濟實惠善解人意囉!

齡相差 5年,不過生日就前後只差兩日, 8月 30日滿 34歲的楊怡當時身在清遠趕拍無綫劇《守業者》;至於 28日滿 29歲的謙謙就留港拍緊《飛虎 II》,分別同劇組慶祝的小情侶正日在微博分別切蛋糕洗版卻刻意互當透明,原來回港後有安排。

楊怡 8月尾先買入嘅白色 Range Rover,新車價約 80萬,現時泊喺日出康城二期的領峯停車場。

楊怡的新車由家姐楊卓娜(小圖)的公司登記,相當小心。

接未來奶奶開飯

早前有人目擊楊怡喺將軍澳港鐵站附近,揸住架新車接埋未來奶奶同謙謙的同母異父細佬上車,疑似約埋補祝生日。

周到「新抱」

兩年前啱啱撻着,楊怡同謙謙唔避忌,一齊喺片場切蛋糕。

月初( 3日),嗰頭先喺內地為《守業者》煞科回港,楊怡呢頭就已經急不及待蒲頭出街,傍晚 7點,有目擊者在港鐵將軍澳站外人煙稀少的候車處,發現素顏、頭戴 cap帽的楊怡自駕新車 Range Rover到達,候車處明明有空位可暫停,警戒性高過人的楊怡明顯想避過其他司機耳目,寧願冒住被抄牌危險,離遠泊去近巴士站。鬼祟視後等足五分鐘,港鐵行出一對分別約 50歲和 10多歲的母子,張望一會即登上楊怡座駕。據知呢兩母子就是謙謙母親以及其同母異父的弟弟。

生日各有各忙冇得慶祝,據知楊怡一回港即趕住約謙謙補祝生日,應謙謙要求生日飯局預埋羅母同弟弟,仲親自接載兩母子,認真孝順又聽男友話。

而本來擁有平治座駕的楊怡,當天所載的簇新 Range Rover越野車,經車輛登記資料顯示,在楊怡 30日生日前一日才登記,擺明係壽星女自費氹自己開心。

至於男朋友有何表示, 13日晚楊怡出席無綫的祝捷晚宴時被問到有否收到男朋友羅仲謙禮物,講到明:「冇喎,最好送實際啲嘅嘢!」記者講笑話謙謙送自己最實際,一向小心嘅楊怡仲口快快答:「係囉!」所以話呢,女朋友自己搵到錢識得氹自己,謙謙咪真係搵到幸福!

羊羊清遠慶生

鍾意戴 cap帽眼鏡嘅楊怡,當日都係呢個 casual look去接未來奶奶。

謙謙兄弟賀壽

8月 28日生日冇女友喺身邊,謙謙惟有同《飛虎Ⅱ》一班兄弟切蛋糕。

《守業者》拍完

正日 8月 30日生日,楊怡要喺清遠同《守業者》一班演員一齊過,回港便即時 call男友補祝生日。

飛虎煞科

謙謙日趕夜趕套《飛虎Ⅱ》終於拍完,兩人暫時都冇工開,大把時間補見面。

貼錢冧仔

娛圈唔少情侶女尊男卑,難得女嘅唔介意另一半搵得少過自己,過時過節又大手筆豪送禮物,呢啲女友去邊度搵先?

千嬅送波子

最近復出連拍兩套戲的千嬅,豪擲百萬送波子畀老公丁子高做生日兼結婚 4周年禮物,仲襯埋新車牌 RM88添!

祖兒包食宿

貴為天後,祖兒賺到儲到,手持幾億物業,前排同男友劉浩龍去美國旅行兼學舞,天後包起機票食宿,幫男友慳唔少!

超雲貼現金

賭王千金何超雲同陳山聰拍拖期間,除了貼車貼錢貼旅費,又畀男友入住三太名下的豪宅陽明山莊,分手後都打本畀對方搞生意。



. 女尊男卑 謙謙慳住賀生日 楊怡買 80萬新車氹自己
http://hittt.blogspot.com/2013/09/80.html
. 女尊男卑 謙謙慳住賀生日 楊怡買 80萬新車氹自己
http://hittt.blogspot.com/2013/09/80.html
. 女尊男卑 謙謙慳住賀生日 楊怡買 80萬新車氹自己
http://hittt.blogspot.com/2013/09/80.html
. 女尊男卑 謙謙慳住賀生日 楊怡買 80萬新車氹自己
http://hittt.blogspot.com/2013/09/80.html