2013年10月30日 星期三

辦喜事 軒仔杏兒 mark期 胡定欣趕嫁廣告才俊 胡定欣,MF,




胡定欣同男友 Patt戀情逐步明朗化,經常糖黐豆孖住拍拖去街,幸福程度爆燈。

真面目

辦喜事 軒仔杏兒 mark期 胡定欣趕嫁廣告才俊

無綫花旦胡定欣去年憑《拳王》啞女一角摘下 TVB「最佳女配角」,啱啱先拍完《飛虎Ⅱ》𠵱家又開緊新劇《點金勝手》,劇接劇嘅佢唔只專注事業,據知戀愛大過天嘅定欣,已計劃與拍拖一年多嘅廣告界才俊 Patt(沈柏淳)於農曆年前拉埋天窗,仲一早搵埋好友張敬軒和胡杏兒為伴郎伴娘,最近一班好友更頻約飯局商討細節。

事業愛情行運,難怪胡定欣回應結婚一事時,春風滿面笑曬:「我同男朋友關係非常好!」忙完《點金勝手》,正式埋位做沈太囉!

胡定欣自去年與 Patt拍拖後,不時大曬恩愛,胡更火速進駐男友於渣甸山愛巢,一於同居試婚。向來戀愛大過天嘅胡定欣已經 32歲,據知男友於幾個月前求婚成功,仲搵定好友張敬軒和胡杏兒做伴郎伴娘,為婚事做好準備。

冧爆回應

問到與男友 Patt正籌備婚事,胡定欣春風滿面:「我同男朋友關係非常好!」個樣真係冧到爆喎!

上週四( 24日),胡定欣出席梁乃鵬(右下)歡宴《衝上雲霄Ⅱ》台前幕後仝人晚宴,全晚都笑容滿面,仲孖住好姊妹杏兒密密傾,搞喜事人都開心啲!

飯局傾細節

「雖然 Patt同定欣只係拍咗拖一年多啲,但兩個人感情真係好好。其實之前佢兩個一齊去蘇梅旅行嗰陣, Patt已經求咗婚,定欣好感動,個個朋友都知!加上定欣又到咗適婚年齡,都係時候啦!𠵱家定欣打算忙完《點金勝手》就會搞婚禮,想喺農曆年前搞掂!伴娘伴郎梗係預杏兒同軒仔啦!佢哋最近成日約出嚟,傾點樣搞婚禮添!個個 friend都戥佢兩個開心!」胡定欣身邊人說。

據知胡定欣眼見圈中陳茵媺同陳豪婚姻生活甜蜜美好,已經過咗女人 30嘅佢,更加想快啲結婚生 B,免得做高齡產婦。

胡定欣 9月生日時,身邊一班好友如胡杏兒、胡蓓蔚、單立文等等,齊齊幫她慶祝,當然還有「未來老公」 Patt啦。

網上圖片

今年 8月,胡定欣同男友 Patt拍住拖去蘇梅旅行,定欣心情大靚,大騷三點式,有廣告界男友揸機,梗有水準啦!

網上圖片

「關係非常好」

本刊上週四( 24日)於活動後問胡定欣,與男友 Patt籌備婚禮一事,她笑曬答:「其實呢啲新聞一年都會傳幾次,但我話你知係唔會結嘅!(咁同男友關係?)我哋𠵱家關係非常好。(男朋友求咗婚?)咁又未喎!(咁你到咗適婚年齡,呢 2年會唔會結婚?)我暫時都未諗,呢 2年都係工作為主。」胡定欣雖然例牌否認婚訊,但個冧樣完全 ready等嫁喎!

胡定欣和胡杏兒因拍《衝上雲霄Ⅱ》而成為好姊妹,杏兒當然是伴娘的首選。

網上圖片

胡定欣同男友 Patt現時同居渣甸山愛巢,乘機婚前試愛,為結婚作好準備。

胡定欣自去年奪下「最佳女配角」,拍劇一套緊接一套,最近又為新劇《點金勝手》開工,同劇男主角為黃宗澤。

星級伴郎伴娘

張敬軒 3月演出舞台劇《 Bent屈獄情》,身為好友的 Patt現身後台支持,軒仔仲擺出一副妖媚樣,搞到 Patt好尷尬喎!

網上圖片

Patt今年還親自幫軒仔本寫真集《 The Village》操刀,負責視覺創作和美術,亦因 Patt的關係,軒仔和胡定欣亦變成老死。

網上圖片

兄弟姊妹團

Patt身為「 hivemind」廣告有限公司創作總監,甚多圈中好友如關智斌、胡蓓蔚和單立文十分熟絡,常約飯局開 P。

關智斌

胡蓓蔚

單立文

勁多囍事

今年娛樂圈喜事多, 6月陳豪與陳茵媺於巴黎完婚,迅速成為圈中恩愛夫妻的代表。一班藝人都急不及待在今年拉埋天窗,當中包括梁烈唯與女友 Tina、汪圓圓與蔡加讚、鄭世豪與圈外女友,未知胡定欣與男友 Patt能否趕上尾班車呢?

34歲梁烈唯與女友 Tina拍拖 11年,兩人秘密入紙註冊結婚並於今月 7日在婚姻登記處遞交擬結婚通知書,至於擺酒日就仍未有確實日子。

甄子丹姨仔汪圓圓與「玩具大王」之子蔡加讚於今月 18日在婚姻登記處入紙註冊,並於下月 30日結婚,到時於會展設宴款客。

鄭世豪憑《星夢傳奇》成功彈起, 6月在巴士上成功求婚,計劃年底 12月與圈外女友結婚,而伴郎是圈中人楊明。



. 辦喜事 軒仔杏兒 mark期 胡定欣趕嫁廣告才俊 胡定欣,MF,
http://hittt.blogspot.com/2013/10/mark-mf.html
. 辦喜事 軒仔杏兒 mark期 胡定欣趕嫁廣告才俊 胡定欣,MF,
http://hittt.blogspot.com/2013/10/mark-mf.html
. 辦喜事 軒仔杏兒 mark期 胡定欣趕嫁廣告才俊 胡定欣,MF,
http://hittt.blogspot.com/2013/10/mark-mf.html
. 辦喜事 軒仔杏兒 mark期 胡定欣趕嫁廣告才俊 胡定欣,MF,
http://hittt.blogspot.com/2013/10/mark-mf.html
Related Posts Plugin for WordPress, Blogger...