2013年11月28日 星期四

同場劈 搲 Kary復合失敗 余文樂攬女發洩 Kary,余文樂,吳雨霏,M1,




餘文樂喪飲香檳,逢女必攬,被攬到實的 model公司高層毫無還擊之力。

娛頭

同場劈 搲 Kary復合失敗 餘文樂攬女發洩

餘文樂、吳雨霏戀情快來快去,有傳男方念念不忘前度黃伊汶, Kary不願做後補,決定斬纜,即使樂仔多次企圖翻𢱑, Kary都未有回心轉意。

上星期,二人前後腳出席時裝品牌廿五周年派對,分手後首次在公開場合同場。當晚所見,想同 Kary復合的餘文樂不時主動埋身,但前度反應冷淡,成肚檸檬的他無癮喪飲,更當住 Kary面前攬實 model公司女高層,用行動證明自己好

其他影片
請食檸檬

下的 I.T舉行廿五周年派對,餘文樂未有停低影相和接受傳媒訪問,第一時間閃入會場,在 VIP區四圍搵人吹水。與此同時,做完訪問的 Kary,亦與幾名友人一齊行去會場 VIP專區。與前度重遇,餘文樂極速撲上前打招呼,大會攝影見狀,要求眾人影合照, Kary未有開口 say no,餘文樂已經搶著護花:「咪喺度搞事啦,唔影呀!」

一直想復合的餘文樂,其間借故捉住 Kary叫她不要飲太多香檳,點知 Kary唔領情,當眾回他一句:「而家關你咩事?你講我就要聽呀?」檸檬水照頭淋,勁無癮,加上發現 VIP專區有記者,餘文樂起勢爆粗狂鬧,要 Kary安撫,之後 Kary索性行開,保持距離。

推開

高層用力推開,餘文樂縮手尷尬傻笑。

合體貼實

餘文樂攬實 model公司高層五分鐘,死不放手。

箍頸

在派對內逢女攬的餘文樂,發現 model公司高層甫到現場,即上前箍實對方。

攬女示威

一肚火的餘文樂,之後香檳一杯接一杯,其間碰到相識多年的 model公司梁姓女高層,餘文樂二話不說從後箍頸,對方自然反應轉身,餘文樂索性扮樹熊,身貼身攬實對方唔放,維持接近五分鐘,直至對方反抗想甩身,餘文樂才捨得放手。同場的 Kary和幾個女朋友在附近傾偈自拍,完全目睹餘文樂整個攬女示威過程。

之後 Kary應邀和友人影大合照,原本同陳偉霆咬緊耳仔的餘文樂,即時攝位影埋一份,不過 Kary一影完相馬上轉身,用背脊「得」住前度。

互當透明

一輪埋身都無反應,餘文樂同 Kary各自各同朋友吹水,互當透明。

示威

Kary同女性友人坐窗邊談心,餘文樂起勢在對方面前攬女。

拒絕復合

「樂雨戀」一年唔夠便玩完,導火線是餘文樂企圖翻兜舊愛黃伊汶,紙包唔住火, Kary好快收到風,明知男友心中另有所屬,長痛不如短痛,主動提出分手。

「呢個圈有幾大呀?樂仔翻兜 Emma(黃伊汶)件事好快傳到去 Kary耳中, Kary話既然對方唔係想 long term,無謂嘥大家時間。」 Kary的友人說。

另方面,有指黃伊汶同男友陳國坤已訂婚,二人打風打唔甩之餘,女方家人亦強烈反對她再和餘文樂扯上關係,餘文樂見無彎轉,於是又翻兜未有新戀情的 Kary,可惜無功而回。

本週二(二十六日), Kary出席「第三十六屆十大中文金曲」揭幕記者會,對於在派對中與前度拖手, Kary平淡回應:「我哋咁耐無見, say個 hi(拖手)無乜特別。(樂仔喺你面前攬女!)朋友啫,我見唔到!」至於二人會否有機會復合, Kary企硬:「無喎!朋友!」

週二 Kary出席活動,唔認見餘文樂攬女,還斬釘截鐵表明無意同對方復合。

友人邀請 Kary合照(箭嘴),餘文樂二仔底死跟影埋一份。

醉醺醺的餘文樂 high爆,解開友人的皮帶。

餘文樂在派對場外拒絕影相和接受訪問,便竄入會場狂歡,反而大會要求同學友、蔡一智影合照就無托手踭。

易來又易去

「樂雨戀」今年情人節被發現雙雙現身赤柱拍拖,令戀情曝光。二人愛得火熱, Kary陪樂仔到吳君如屋企拜年外,之後又甜蜜歐遊,直至六月三十日, Kary突然單方面發聲明,宣布與餘文樂情已逝。

據知,二人在四月已醞釀分手,冷戰多個星期後,五月初餘文樂飛米蘭睇車展,未有現身支持女友在澳門舉行的演唱會, Kary生日,餘文樂一樣玩失蹤。二人分手原因,一度傳是女方管得太緊,但其實是餘文樂一直對曾拍拖五年的黃伊汶餘情未了,還坦白承認「我個心仲有個人」,令 Kary死心,決定提出分手。

花心有前科

餘文樂出道以來,緋聞不絕;而每次分手,大多與男方在外「覓食」,太風流有關。

楊丞琳

出道半年,即與大他七年的盧巧音傳出姊弟戀,及後有指餘文樂到台灣拍偶像劇《愛情白皮書》時,背住女友偷食戲中拍檔楊丞琳,傷盡盧巧音。

黃伊汶

03年跟黃伊汶拍拖期間,有傳餘文樂與阿嬌交往,但黃伊汶一直啞忍,直至 08年,有指餘文樂在日本旅行時攬女,被黃伊汶友人撞破,女方才正式提出分手。

王璐瑤

12年,爆出以情慾短訊喪溝𡃁模王璐瑤( LuLu),餘文樂更付上「毛腿照」溝女斷正;直至與吳雨霏撻著,緋聞才告一段落。

陳偉霆曳曳

餘文樂攬女發洩,至於跟阿 Sa感情穩定的 William陳偉霆,當晚單拖現身周年派對,幾杯落肚,亦跟住餘文樂滿場飛,有長髮少女主動埋身, William初時表現拘謹,但經女方主動熱情捉住手臂密斟,加上身邊友人識做自動波行開製造機會, William終經不起誘惑,被長髮女成功抄牌(攞電話號碼)。

抄牌實錄

阿 Sa開工,無王管的 William任女圍,對方挨實密斟,不消廿分鐘,女方成功抄牌(攞電話)。

童童飲悶酒

派對上男男女女各自搵食,只有十六歲的竇靖童,當晚一身 boy look孖住上山詩鈉的女兒 Hilary結伴到場,老友顧住𠝹仔,上山 auntie又忙於滿場飛應酬,童童全晚悶悶不樂狂「隊」香檳,和派對氣氛格格不入。

品牌老闆娘邱淑貞同不少圈中人私交甚篤,就算周年派對撞正台慶夜,曾志偉做完騷亦趕往撐場,連甚少夜蒲的梁朝偉亦俾面到,甚至唔介意被其他賓客捉實做人肉布景板,幸有同場的張學友和家輝出手相救,才成功脫困。

只得十六歲的竇靖童拎住香檳邊行邊飲都無人理。

上山 auntie忙應酬,竇靖童和 Hilary(上山女兒)呆坐派對,無厘表情。

上山詩鈉(銀衫)帶住女兒和竇靖童,與學友、張曼玉等人出席派對。



剪短頭髮的衞蘭睇落更脹爆,同男性友人邊傾邊起舞,自得其樂。



猶如歡樂小姐的官恩娜,合照無限影,男賓客埋身吹水都無 say no。

人多擠擁,三人結伴離開,張家輝負責開路,學友則領軍帶搭住膊頭的梁朝偉離開。

甚少夜蒲的學友是夜偉論講不停,同兩大影帝梁朝偉、張家輝企埋一邊密斟。



. 同場劈 搲 Kary復合失敗 余文樂攬女發洩 Kary,余文樂,吳雨霏,M1,
http://hittt.blogspot.com/2013/11/kary-karym1.html
. 同場劈 搲 Kary復合失敗 余文樂攬女發洩 Kary,余文樂,吳雨霏,M1,
http://hittt.blogspot.com/2013/11/kary-karym1.html
. 同場劈 搲 Kary復合失敗 余文樂攬女發洩 Kary,余文樂,吳雨霏,M1,
http://hittt.blogspot.com/2013/11/kary-karym1.html
. 同場劈 搲 Kary復合失敗 余文樂攬女發洩 Kary,余文樂,吳雨霏,M1,
http://hittt.blogspot.com/2013/11/kary-karym1.html