2013年12月6日 星期五

[忽然1周 958] My膠 Lady MW,

[忽然1周 958] My膠 Lady MW,
http://hittt.blogspot.com/2013/12/1-958-my-lady-mw.html



媽咪姐

My膠 Lady

呢個地球真係愈嚟愈危險!阿媽可以親手焗死 B女,仲帶全香港人大話西遊;惡菌流感又殺到,打咗疫苗都一樣中招!惟有晚晚追《 My盛 Lady》,先可以輕輕鬆鬆,笑嚇又一粒鐘。

之不過,劇中一班女演員個樣就愈睇愈古怪,點解正常人體竟然可以離奇地硬膠化?我知,佢哋一定會答「我瘦咗!」「化妝技術好咗嘛!」「角度問題囉!」等等等等。而媽咪姐就準備學我至愛嘅黃子華咁講:「真係㗎?點解嘅?你好叻呀!」然後,再贈佢哋一句:你當我傻的嗎?不如話外星人捉咗你去做實驗啦!唔驚喎,媽咪姐會叫「嫦娥二號」順手救番你落嚟㗎。

陳敏之消失的腮骨

Model出身嘅陳敏之, 94年一出道除咗以長腿為記,大腮骨都係佢嘅標誌。不過隨住佢嘅人氣增加,腮骨就慢慢收細至差唔多完全消失,非常神奇!最近顴骨位仲忽然激凸。查實「嫦娥二號」使鬼去月球做研究咩!淨係詳細分析陳敏之嘅「活體逆時光轉變」,已經夠曬偉大啦。

今年台慶 硬軚 V煞

上個月,陳敏之珠光寶氣咁出席台慶,但媽咪姐嘅目光就俾佢又硬又凸嘅顴骨「吸引」住!再睇埋佢成 45度嘅尖削側面,噢!說好的腮骨呢?查實……使唔使報失?

好嘞,媽咪姐行近同陳敏之傾嚇偈,只見佢講嘢時肌肉僵硬,皮膚仲有啲凹凸不平。 Well,一個字,怪!

6月仲識鬱

跟住近排睇《 My盛 Lady》,先發現原來腮骨早就悄悄消失!但今年 6月拍嗰時,顴骨未凸,塊面識鬱㗎。 Thank God,仲交到戲!

2010年還有腮

4年前,陳敏之啱啱彈起,喺《搜下留情》、《公主嫁到》等劇做「女二」,而佢嘅腮骨亦開始收細,連帶個鼻樑都挺埋!

98年 大方包

當年陳敏之做 model行 show,除咗有高度,仲有闊度(塊面)!所以腮骨大大嘅佢,極少張口露齒笑㗎。

徐子珊 眼張開

貴為 04年港姐冠軍,徐子珊追求美麗與智慧嘅心從未冷卻,尤其係佢塊面,更加識自動變 mode,由最初細眼扁鼻扁面嘅鄰家女孩 mode, tune到去依家嘅高智能立體「大開眼界」 mode。咁與時並進,真係抵你咁得寵咯!

今年 6月拍《 My》劇時,徐子珊對眼明顯咗,眼形圓咗,喺左眼上角仲離奇現褶。皮膚下面唔知多咗啲乜呢呵?

今年 6月現怪褶

前年 有怪痕

前年徐子珊嘅眼頭同眼尾已經明顯長咗,左眼有條古怪嘅痕,面尖咗,鼻樑仲高埋㖭。嗯……「鋼鐵」果然不是一天煉成的!

05年圓港姐

係,你無睇錯,呢位出道 1年面圓圓嘅,的確係港姐冠軍徐子珊!咦,查實徐子珊出境時,關員會唔會懷疑佢張身份證㗎?建議子珊,剪存!

高海寧 神秘三角

高 Ling高海寧嗰樣一向俾人話怪怪哋,但呢個世界沒有最怪,只有更怪!今年 6月佢拍《 My》劇時,一笑嗰陣,就有個神秘小三角喺下巴浮出嚟。 Woo,媽咪姐現場睇,嗰塊小三角好似啫喱軟軟哋,仲識移位㗎,驚驚!

今年台慶 V鬼曬

上月台慶再見高 Ling,發現身材澎湃嘅佢,原來自體吸收力都好強勁嚇!嗰塊小三角已被佢完全吸收,再轉移去拉長埋個下巴。能人所不能呀!以後唔好叫佢女神嘞,直頭叫神!

08年  iPad面

08年選港姐時,高 Ling面闊下巴短,名副其實係 iPad,同依家個 V煞樣差得遠。唔通佢將咪咪啲脂肪推咗去個下巴度?係就 amazing喎!



.[忽然1周 958] My膠 Lady MW,
http://hittt.blogspot.com/2013/12/1-958-my-lady-mw.html
Related Posts Plugin for WordPress, Blogger...